الشاعرة: دلال المقهوي
على وشك الصبر ياما ترجيتك رجاء الضامي
تأمل في السماء مدري متى تطلع مناشيها
لقيتك شخص ما بينك وبين الوقت وايامي
عداوه خافيه وشياء كــثيره انت خافـيها
انا مـن كثـر ما حبك نهوجسبك ف أحلامي
تخيل كيف انام اليل وفي عيني مخاويها
نغض الطرف وتراجع رجوع القانص الرامي
ولملم شي وترك شي لحـاضرها وماضـيها
نشف حبر الأمل عنوه وماتت ريشة أقلامي
وكم اشواق نخفيها وكم دمعه نداريها
زرعتك في خفايا الروح اية و غاية مرامي
ابيك اتحس بي أغلاء من الدنيا وما فيها
انا مالي غناء عنك ولو تاهت بي اوهامي
دواء روحي وطبي غير شخصك ما يداويها
تصدق كثر ما اهواك اشوفك دوب قدامي
وشوفك في عيون الناس قرت عين قاريها
دلال المقهوي
