الشاعرة : دلال المقهوي
جالس على الشاطي وضايق ومغموم
والموج يتصافق بروحه وجيه
واللي بقلبه من معاناة وهموم
أصعب عليه من الفنا والمنيه
يرمي بعض حينٍ على نفسه اللوم
وأحيان قال الذنب ما هوعليه
بالفكر مرسومٍ وبالعين مرسوم
ومصارعٍ في الموج هم وبليه
ما للطرف راحه ولا يعرف النوم
سهران ما للنوم من قابليه
وهو باحزان العمر دوم محكوم
ودّه يجيه الموت يكتب وصيه
ما له من الأفراح حظٍ ومقسوم
فقير فرحه وخلق ربي غنيه
